PORQUE HAI MELLORES FORMAS DE COALIGARSE...

... FAI O AMOR E NON O BIPARTITO!



http://www.elpais.com/articulo/Galicia/jovenes/PP/reparten/condones/bipartito/elpepiautgal/20090220elpgal_7/Tes



http://blogs.lavozdegalicia.es/campanamovil/2009/02/21/fai-o-amor-e-non-o-bipartito/


.

AGORA SI, CHEGOU O MOMENTO!!!!!!!!!!!

MÍTIN CENTRAL DO PP NO CONCELLO DE REDONDELA

Este domingo día 22 ás 14:30h no Convento de Vilavella, terá lugar o acto central do Partido Popular no noso Concello, unha comida-mítin na que tódolos afiliados e simpatizantes do PP poderán disfrutar das palabras que nos dirixirá a nosa Presidenta Local, Paqui Canal, a nosa candidata por Redondela, Lorena López, a nosa Secretaria Xeral do Partido Popular, Mª Dolores de Cospedal e o noso candidato á Presidencia da Xunta de Galicia, Alberto Núñez Feijoo.

Contaremos tamén coa presencia do noso Presidente Provincial, Rafael Louzán, así como doutros cargos destacados do Partido na provincia e no Parlamento galego.

De ti depende que sexamos mais fortes e mais gañadores que nunca.

Contamos contigo!!

CHEGOU O MOMENTO!!!

O PP DE REDONDELA PRESENTA Á SÚA CANDIDATA EN CHAPELA

O PP de Redondela trata de “nefasta” a actuación da Xunta no municipio e afianza posicións na localidade de Chapela “tan esquecida” polo goberno local

A EDIL POPULAR LORENA LÓPEZ APOSTA POR UN GOBERNO ESTABLE, RESPONSABLE E COMPROMETIDO NA SÚA PRESENTACIÓN COMO CANDIDATA Ó PARLAMENTO GALEGO

Lorena López Rodríguez, veciña de Chapela, Licenciada en Dereito, avogada e especialista en urbanismo, foi unha das elixidas para configurar a lista do Partido Popular na provincia de Pontevedra. O venres, ás 20.30 horas no restaurante El Canario, a candidata foi presentada ante veciños e simpatizantes nun acto marcado pola reivindicación dun “goberno estable, responsable, austero e comprometido como o postulado polos populares” sinalaba a concelleira. López apostaba por Alberto Núñez Feijoo como “a persoa próxima e preparada, excelente xestor e líder responsable, merecedor da confianza dos galegos para asumir as rendas dunha Galicia esquecida pola ambición política do bigoberno da Xunta”.

Os populares aseguran que o bipartito da Xunta resume a súa andaina no municipio como “un mal soño, con moitas fotos e poucos feitos, que pechan cun balance de catro anos de plans e proxectos completamente alleos aos interese veciñais”. Neste senso, López reseñaba a situación de abandono que sofren os problemas cotiáns dos redondeláns, plasmada nunha longa lista de incumprimentos que deixa o bigoberno sobre a mesa, tratando de nefasta a actuación da Xunta no municipio. Tamén recordaba á localidade de Chapela como “a parroquia sempre esquecida dende o goberno local e prexudicada polos derradeiros plans de infraestructuras procedentes da Comunidade Autónoma”.

A edil aseguraba que “xa é o momento de poñer fin a esta situación indesexable de división, enfrontamento e disconformidade”, animando a tódolos presentes a mirar cara o futuro na procura dun diálogo entre o goberno da Xunta e a sociedade, “unha cuestión só posible cun goberno popular”.

A campaña electoral segue nesta xornada de co mitin de Mariano Rajoy e Alberto Núñez Feijoo, na Praza de Toros de Pontevedra a partir das 17.30 horas. Para esta ocasión, o PP de Redondela pon a disposición de todos os interesados, de xeito gratuito, un servicio de autobús para acudir a este encontro “tan importante e de gran relevancia”.

Tamén haberá oportunidade dunha xuntanza, o domingo día 22 ás 14.30 horas, coa celebración dun xantar-mitin no restaurante Convento de Vilavella en Redondela.

Paralelamente a todos estes eventos, o partido local ten previstas unha serie de visitas a tódalas parroquias do municipio “coa finalidade de apoiar e reforzar a campaña co reparto de propaganda electoral e de coñecer as necesidades de cada barrio escoitando as inquedanzas dos veciños”, explica Francisca Canal. Actos dos que se irá informando no seu momento.